Diabierna pa diasabra marduga, cuminsando for di 8:00pm a start cu control di e unidad di Polisnan riba motorcycle. Dicho control a sigui te cu 4:30am manece diasabra. Na tur a controla 43 auto, di cual a detene 5 chauffeur pa buracheria, a kita 8 auto pa motibo di no tabatin papelnan na ordo y a parti no menos di 20 proces-verbaal. E tipo di control nan asina lo continua den e dianan druk aki di fin di aña.