Departamento di Higiena a haci control pisa den diferente supermercado pa cual a bin haya hopi producto cu nan fecha a pasa pa cual aki sra Yvette Geerman ta splica cu e doño y consumidor tin responsablidad di controla e fecha di e producto cu e ta cumpra.
E consumidor mester ta critico ora di cumpra un producto, pa wak si e producto a caduca of no. Sra. Geerman ta splica cu nan ta teniendo control na Supermercadonan pa check fecha di vencimento pa e producto ey. E compania cu a produci e producto eynan, ta dunabo un garantia te cu e fecha eynan e ta di calidad, despues di esey su calidad ta bira menos.
Como distribuidor tambe nan tin responsabilidad. Ora cu nan ta bende nan producto na e supermercadoann, nan mester sa cu no por bende cu e fecha cu a vence. Tur dos tin nan responsabilidad. Tin hopi wega ta wordo hunga, pero al fin y al cabo, ley ta bay ariba tur e cosnan aki. Ley ta bay ariba e weganan eynan. Pasobra ta e consumidor cu ta esun cu mester wordo protega.
Abo como consumidor, keda critico, segun Sra. Geerman. Ora di cumpra un producto,wak ariba dje, ki tipo di producto e ta y si su fecha di vencimento a yega, of si e fecha ta yegando. Aunke cu e fecha no a yega, wak si e bleki no ta frustra, of si e bleki tin un deuk. Tur eseynan ta baha calidad di un producto. Al fin y al cabo, e consumidor tambe ta keda e wowo critico di Departamento di Salubridad Publico. Si e consumidor no entrega keho cerca nan, nan lo no sa unda cu tin productonan cu ta wordo bendi, siendo cu nan fecha a pasa caba.
Comunidad henter ta hunga un rol, como autoridad, e distribuidor, e supermercadonan y e consumidornan. Cada un mester asumi nan rol y nos responsabilidad.
E consumidor por yama Departamento di Salubirdad Publico y entrega un denuncia. Si e consumidor tin un prueba, claro cu esey lo ta mas miho. Pero cu un yamada y denuncia cu a haci compras na x- lugar y a haya productonan venci, como Departamento di Salubridad Publico, e ta haya nan atencion y nan lo bay controla e Supermercado. Asina Sra. Yvette Geerman, di Departamento di Higiena, di DVG, a splica.