WASHINGTON, D.C, Merca- Controladonan aereo a logra reestablece contacto cu e nave espacial Cassini diahuebs despues cu e e nave a sobrevivi un biahe sin precedente entre e Saturno y su renchinan, mustrando potretnan extraordinario. E renchinan ta consisti di un sin fin di particulanan di ijs, di cual cualkier un di nan por a dal contra di Cassini.
E nave espacial a sirbi como escudo ora cu e nave tabata maniobrando door di e apertura chikito, y kibrando e comunicacion temporalmente, segun reportenan.
Cassini a navega na 1.900 miya (3.100 km) ariba di e nubianan di Saturno, yegando mas cerca cu nunca y a yega na 200 miya di e renchi visible mas paden, segun e informe. Segun e cientificonan, e imagennan ta mustra detayenan nunca antes bisto. En total, ta planea pa 21 biahe mas, uno pa siman, prome cu e caida fatal di Cassini na september.