Recientemente naturalesa tabata tin un efecto devastador riba islanan di Caribe. Ta clave pa un grupo grandi di accionistanan colabora pa asina haya un solucion pa por construi mas fuerte pa futuro di e islanan pa asina evita cu historia ta keda ripiti. Despues di e destruccion di horcan Irma y Maria, St. Maarten y otro islanan cercano a cuminsa reconstrui nan sociedad, economia, y institucionnan; cualkier ayudo ta bon bini. Pa e motibo aki, Aruba Centre of Excellence for Small Island Developing States (SIDS) – United Nations Development Programme (UNDP) initiative situa na Aruba -y EY Dutch Caribbean ta organisando “Build Back Better Week SXM”. E siman exclusivo independiente aki “BBB Week” tin como meta pa logra ideanan y coneccionnan pa un futuro fuerte pa St. Maarten.
E siman ta consisti di un “Do-Tank”, un evento pa desaroya accion caminda esnan den turismo sostenibel, empresarionan y esnan den energia nobo por participa pa asina crea un futuro mas fuerte pa St. Maarten y otro islanan cu tambe a wordo afecta door di desaster natural. E evento aki lo tuma luga for di 16 di maart te cu 18 di maart, 2018.
Aparte di esaki, Dutch Caribbean Chambers of Commerce (DCCC) y Present Your Startup Caribbean ta organisando un evento “Do-Trade” na St.Maarten durante di “BBB Week” cual lo ta un “Trade mission” cu ta consisti di, training, “matchmaking” y un sesion di networking. E evento aki tambe lo ta un “kick off” cu cooperacion entre e paisnan di Reino. E “Do-Trade” lo tuma luga 19 di maart, 2018. DCCC ta en curasha tur companianan cu ta interesa pa tuma parti na e mision aki caminda ‘Present Your Startup Caribbean’ lo uni cu inversionistanan y startups di Hulanda.