Cualkier construccion den area di Bubali Wetland y tambe Isla di Oro lo tin su impacto grandi ariba nos naturalesa.
Durante un conferencia di prensa di partido RAIZ, a toca tres topico pa traha riba dje. E prome ta un update di e logverzoek cu tres peticion cu RAIZ a haci dia 7 di Mei na tres Minister. Ta trata di e ministernan di Ruimtelijke Ontwikkeling, minister di Turismo y tambe e minister di Economische Zaken. Te dia di awe ni un di e Ministernan a cumpli cu e peticion di Raiz. Por lo tanto e USB stick cu nan a ricibi, nan ta considera “kat in de zak” pasobra gran parti di e documentonan cu a nan ricibi ta comercial cu a wordo presenta door di e developernan na e Minister. Pero nan peticion mes, unda cu a pidi pa diferente documentonan manera DDB’s (Diensten, Directie Bureau’s) no a ser haya riba e USB.
Ta spera cu e Ministernan concerni por tuma RAIZ su peticion na serio y por entrega e documento. Ainda nan tin 3 siman pa cumpli cu ley, cual ta e dialuna 28 di Mei . RAIZ ta spera cu nan por ricibi e documentonan aki, y despues di esey nan por basa nan opinion ariba echonan y no riba percepcion of opinion, segun Sr. Ursell Arends, di RAIZ.
Pa loke ta e area di Bubaliwetland of Bubaliplas, esaki ta wordo considera un area hopi importante, mirando cu e ta wordo considera como IBA (Important Bird Area). Esaki ta e area importante, cu mas di 170 especie di parha cu a wordo registra caba na Aruba. RAIZ ta enfatisa cu nan no ta contra di niun proyecto, pero mester tene cuenta cu e impacto cu esaki lo tin ariba nos naturalesa. Mester conserva nos naturalesa, nos Aruba pa asina traspasa esaki pa nos yiunan. Sr. Ursell Arends, di partido RAIZ ta amplia mas.
E produccion di e area aki cu a inicia na aña 2016, unda cu a traves di un peticion a recolecta cu mas di 11 mil firma pa asina converti e luga den un wetland y pa e cay bou maneho di Parke Arikok.
Na aña 2017 Prinses Beatrix a realisa un bishita tambe na e area. Despues di esaki a haci un suplica na e gobierno di e tempo aki, pa destina e area aki como un wetland, proteha y pasa e maneho na Parke Arikok.
Den medionan di comunicacion por a mira cu e area aki ainda ta wordo desaroya cu algun trabounan. Tin hopi destruccion di e area aki ainda ta tumando luga. Tin hopi caso cu a bay corte door di esaki pa proteha e area. Por aprecia cu e area di Bubaliplas ta un area hopi bunita.
RAIZ ta enfatisa cu nan no ta contra di niun proyecto, pero mester tene cuenta cu e impacto cu esaki lo tin ariba nos naturalesa. Mester conserva nos naturalesa, nos Aruba pa asina traspasa esaki pa nos yiunan. Sr. Ursell Arends, di partido RAIZ ta amplia mas.
Tambe Sr. Arends a sigui splica cu den e terminologia pa loke ta trata naturalesa e area di Isla di Oro, e ta wordo considera como un dobel natuurgebied. Esaki ta door cu e coralnan ey abou ta wordo protehi y fuera tambe ta un mangrovebos. E ta un area hopi serio pa medio ambiente di Aruba y pa e decisionnan cu mester wordo tuma, e documento mester ta habri riba mesa pa hunto como pueblo por tuma e miho decision cual lo ta miho pa Aruba. For di awo y pa futuro. Sr. Arends ta declara cu RAIZ su compromiso ta pa zorg pa lucha pa e Aruba cu nos tur kier biba riba dje y esun pa nos yiunan hereda.
Fundacion RAIZ no ta ciego contra niun proyecto siendo cu nan ta boga pa salvaguardia medio ambiente. Nan a wordo declara tambe, RAIZ ta un movemento cu ta tuma decision a base di e datonan anto un bes cu nan tin tur e documentonan nan por yega na un opinion den beneficio pa Aruba.
Tin chance cu nan por bay di acuerdo cu e proyecto pero e biaha aki e ta mustra cu e ta bay tin un impacto hopi grandi riba naturalesa. P’esey nan ta keda warda riba e informacion cu a wordo solicita na e Ministernan pa finalmente por tuma un posicion, segun Sr. Ursell Arends, lider di partido RAIZ.