Diahuebs anochi pa 8 or 30 di anochi, personal di un Low Rise Hotel ta yama Centrale Post pa motibo cu e conocido di polis Brenton Bladgrove tabata ariba nan tereno un biaha mas. Na yegada di e patruya nan a wordo acerca door di e personal di siguridad cu a declara na polisnan cu e Brenton un biaha mas tabata ariba tereno di e hote. Polisnan hunto cu e agentenan policial a haci un control den vecindario di Tamarijn Beach Hotel, Divi Village y Divi Links pero sin resultado. Centrale Post a wordo poni na altura.