Central di Polis ta manda un patruya pa e edificio dilanti di “Radio Shack” den Nieuwstraat, caminda lo tin un caso di ladronicia tumando luga. Na nan yegada polisnan ta topa cu e conocido di nan, “Djo Djo”. Un otro homber bisti den un carson bruin cla, lomba afo a core bay ora el a wak polis. Riba vloer banda di unda Djo Djo tabata para, polisnan a ripara cu tabata tin mas o menos 14 tubo di koper cu a wordo horta for di e edificio en cuestion, Nieuwstraat 86. E tubonan tabata dobla caba, cla pa bay cu nan. A bay over na detene Djo Djo pa ladronicia. Ora cu e puntr’e pa su nomber, el a duna di conoce cu e yama
JF ANTERSIJN, naci na Aruba, riba 21 october 1957, sin luga fiho di biba. El wordo informa di e motibonan di su detencion. Polisnan a listra e paña di e sospechoso, caminda a bin topa cu tres lighter, un ticket di loteria y un paki di mangel, mita bashi. E sospechoso a wordo traslada pa warda di Polis y despues pa warda di Shaba caminda el a wordo treci dilanti di Hues Comisario.
E sospechoso Antersijn a nenga di firma su declaracion. Como motibo el a duna cu e no kier firma nada. El a keda deteni pa interogacion y investigacion.
E tubonan di koper a wordo tuma den beslag den interes di e investigacion.