LIMERICK, Irlanda – E curpa humano tin un organo nobo.
Durante varios aña, a wordo considera como un structura fragmenta componi pa partinan separa, pero awo un profesor di e Universidad di Limerick a duna e mesenterio e status di organo.
E profesor Irlandes J. Calvin Coffey a studia e mesenterio, cu ta conecta e tripa na e abdomen y a documenta su hayasgonan den un articulo publica den e revista Lancet Gastroenterology & Hepatology, caminda cu e ta expone e evidencia cu el a recoge y cu segun e, ta permiti categorisa e mesenterio como un organo.
“Un miho entendimento y mas investigacion riba e mesenterio por hiba na cirugianan menos invasivo, menos complicacion, recuperacionnan mas rapido y costonan menor,” e ta afirma den un comunicado di e universidad.
“Ora cu nos studi’e como un organo, nos por categorisa e dolor abdominal den terminonan di e organo aki,” Coffey a afirma, cita pa e universidad y a añadi cu e reconocimento ta habri porta na henter un specialidad medico.
E categorisacion aki ta coregi e anatomia cu a wordo duna por cierto mas di 100 aña pasa.
E estudio a wordo publica na November 2016 y danki na e evidencia cu el a aporta, e mesenterio awo a wordo acepta como un organo e siman aki.
Fuente: CNN en Español