Tanto pa motibo di alergia como dor di un dieet specifo of simplemente pa cuestionan di salud, ta posibel pa disminui of elimina e consumo di lechi di baca. Cual ta e opcionnan cu bo tin? Awendia e mercado ta ofrece varios alternativa pa eligi. Descubri loke bo mester sa riba cada un di nan.
Lechi di almond
Un di e opcionnan mas conoci. E ta traha di almond mula y awa, segun e portal Healthline. Su version sin sucu lo tin menos caloria cu otro lechinan, cu 30 pa 60 per cup. Cada un di e porcionnan ta aporta tambe 1 g (0.03 oz) di carbohidrato, 3 g (0.1 oz) di vet y 1 g (0.03 oz) di proteina. Ademas, e no ta contene vetnan satura ni lactose. Aunke e lo no ta un bon fuente di calcium, algun marca ta contene un suplemento di e nutriente aki, como tambe vitamina D.
Lechi soya
Traha di bonchinan di soya muha y mula cu awa, e opcion lo conta cu poco vet satura, nada di colestorol ni lactose, segun e portal Fundacion Live Strong. Ademas, e lo contene e mesun cantidad di proteina cu e lechi di baca, pero menos sodium. Un di su puntonan debil lo ta cu e lo no aporta un cantidad significatne di calcium, aunke tin versionnan fortifica, cu ta agrega mas di e nutriente aki na e producto.
Lechi di aroz
Un di su beneficionan principal ta cu e lo ta esun cu ta causa menos alergia. Por lo tanto, e lo ta un bon opcion pa e personanan cu intolerancia of cu ta alergico pa lechi, soya of frutanan seco, segun Healthline. Di tur manera, semper ta necesario consulta cu un dokter. Mescos cu e casonan anterior, e no ta aporta un gran cantidad di calcium, e menos cu e ta un producto fortifica.
Lechi di coco
E ta traha di awa purifica y crema di coco (traha di carni di coco hecho raspa). E tin mas vet cu e otro alternativanan y casi tur lo ta satura (asocia cu problemanan di curason). Cada cup lo tin 2 g (0.07 oz) di vet, ademas di 50 caloria. Aunke no ta contene ni calcium ni vitamina A of D, tin productonan forticia cu ta contene e nutrientenan aki.
Lechi di Kefir
Ta trata aki di un bebida similar na yoghurt, cu ta wordo traha mesclando lechi di baca fermenta, lechi di cabrito of carne, segun e portal WebMD. Un cup di kefir abao den vet sin sucu artificial lo tin 110 caloria, 11 g (0.3 oz) di proteina, 12 g (0.4 oz) di carbohidrato y solamente 2 g (0.07 oz) di vet. E ta un gran aporte nutricional. Aunke e proceso di fermentacion ta elimina e parti di e lactose, e lo por ta iritante of causa alergia cerca algun persona. P’esey prome cu bo purb’e, consulta cu’n specialista di salud.
Lechi di hennep
Abao den vet satura y rico den varios vitamina y mineral (incluyendo calcium y vitamina B), e opcion aki lo un alternativa nutritivo na lechi di baca, segun e portal di e Fundacion Live Strong. Mescos cu den e casonan anterior, tene cuidao cu versionan cu sucu artificial of sabor artificial, ya e lo por contene sucu y un cantidad mas grandi di caloria.
Fuente: https://es.vida-estilo.yahoo.com