DEN HAAG – Diaranson 4 october a conmemora 25 aña cu e tragedia na Bijlmer a tuma luga, caminda 43 persona a fayece, entrenan diferente Arubiano.
Den cuadro di e conmemoracion aki e Stichting Beheer Het Groeiend Monument a organisa un encuentro caminda mediante diferente discurso di entre otro e locoburgermeester di Amsterdam, Sra. Kajsa Ollongren, Secretario di Estado di Infrastructura y Medio Ambiente, Sra. Sharon Dijksma, y tambe diferente presentacion, a para keto un rato na e tragedia cu a tuma luga 25 aña pasa.
Despues di esaki a sigui un stille tocht na e momumento. Akinan a menciona nomber di tur e victimanan y despues a tene un minuut di silencio. Na final e diferente invitadonan, familiarnan y amigonan por a pone un krans of flor.
Directora di Gabinete di Aruba, Sra. Shandra John, kende tabata presente na e conmemoracion, den nomber di Gobierno di Aruba a pone un krans na e monumento.
Potretnan ta cortesia di Nico van de Ven