FLORIDA, Merca- Parlamento di Florida diamars a rechasa e prohibicion di armanan di asalto y cartuchinan di gran capacidad. Esaki a sosode mientras cu mas di un docena di sobreviviente di e tiroteo escolar di siman pasa tabata dirigiendo nan mes pa e Capitolio estatal pa comberti nan dolor den accion politico.
Parlamentarionan a rechasa un mocion pa considera e prohibicion durante un sesion cu a cuminsa cu’n oracion pa e 17 victimanan asesina pa e ex alumno, diaranson ultimo, na Marjory Stoneman Douglas High School na Parkland. E votacion den Parlamento, domina pa Republicanonan, tabata di 36-71.
Studiantenan di e scol den e gang durante e votacion a keda manera sorprendi pa e resultado.
E representante Kionne McGhee di Miami a invoca e tiroteo escolar ora di solicita pa e proyecto HB 219, pa prohibi riflenan AR-15 y otro armanan di asalto y cartucho di gran capacidad, sea manda pa e comision di Parlamento, pa por haci pregunta debati y vota.
Debi cu e subcomisionnan cu tabata cla pa considera e proyecto di ley cu no tabata programa pa e sesion aki, e proyecto di ley ta efectivamente morto, McGhee a declara.
Bou di e grito di #NeverAgain, hopi studiante y personal cu a sobrevivi e tiroteo na e scol a sali pa e Capitolio estatal, unda nan tabata spera di papia cu e legisladonan diaranson, tocante siguridad escolar y control di armanan.
“E siguiente morto di un persona cu’n rifle di asalto na Florida, lo cay ariba nan”, studiantenan a bisa, riba e 71 votonan contra di e mocion. “E lo ta nan culpa, nan por a haci algo al respecto”.
Fuente: http://cnnespanol.cnn.com