WASHINGTON, D.C., Merca- E veterano Congresista Mericano, John Conyers, di 88 aña, diamars a anuncia su renuncia inmediato na Congreso. Esaki ta debi cu e ta mei mei di un conducta sexual indebi.
“Mi ta retira awe”, Conyers a afirma, representante Democrata pa Detroit, den un prorgrama na radio. Aki el a gradici “e increibel apoyo y constante” cu el a ricibi a traves di añanan pa parti di su siguidonan, no solamente den su distrito “sino tambe den e pais completo”.
Según informenen, e legislador lo apoya su yiu homber, John Conyers III, pa esaki representa su candidatura pa e asiento, cu su persona a ocupa pa mas di 50 aña, siendo e congresista activo mas veterano.
Varios voz a pidi Conyers pa renuncia despues di e publicacion na final di November di un informe extenso di e website Buzzfeed, caminda ta señala cu e congresista a paga mas di 27 mil dollar como parti di un acuerdo confidencial na un ex empleado di dje, cu tabata afirma cu el a wordo retira pa motibo di a rechasa proposicion sexual.
Conyers, un icono di e movemento pa e derechonan civil cu a cuminsa cu su trabao den Congreso na 1965, a rechasa e acusacionnan den su contra.
Fuente: https://actualidad.rt.com/