WASHINGTON D.C., Merca – Na Merca, e congresista democrata Maxine Waters a laga sa bon cla cu ni e presidente Donald Trump, ni e vicepresidente Mike Pence, kende a confundi cu e mandatario di Rusia Vladimir Putin, lo salba di un “impeachment.”
Waters, kende hopi biaha a bin ta pidiendo un huicio politico contra Trump, na e ocasion aki, den un programa di e cadena ABC, emiti diabierna, a agrega Pence riba su “blacklist.” Sin embargo, den loke kisas ta trata di un eror, e congresista a bisa cu una bes cu nan caba cu e presidente Mericano, e siguiente lo ta Putin.
Ora cu e conductora di e programa a puntr’e si e ta considera cu Pence lo ta “miho cu Trump” pa ocupa e presidencia, Waters a bisa cu “no.” “Ora cu nos caba cu Trump, nos ta bay pa Putin,” e politico a enfatisa.
E legislador inmediatamente a rectifica y a bisa cu el a referi na e vicepresidente di Merca y no na e mandatario Ruso.
E criticonan di e hefe di Cas Blanco ta desea di habri un huicio politico den Congreso pa distruy’e, entre otro cosnan ante e sospecho cu e presidente a purba di obstrui husticia den e investigacionnan riba e supuesto nexonan entre su ekipo di campaña electoral y Rusia.
Fuente: www.actualidad.rt.com