AMSTERDAM, Hulanda – Un asina yama “hipo” muy probablemente tabata e motibo cu un Amsterdammer di 45 aña a dal contra ocho persona riba Stationsplein na Amsterdam diasabra anochi. Esaki ta segun polis na Amsterdam. “E conductor ta un pashent di sucu y ora personal medico di ambulance a samin’e despues di e accidente, su sanger a baha y parce cu el a haya molester di dje anteriormente,” segun un vocero di polis.
E homber a wordo deteni y awe un biaha mas scucha. “Nos no a haya indicacion cla riba algo otro cu biramento malo.” Den cuadro di esaki, polis ta en busca di testigonan cu por a mira con y ki ora e homber a subi e pista di tram dilanti di e stacion. “E agentenan mes no a tene cuenta cu esaki.”
Segun polis, e Amsterdammer ta bin den nan sistema: “Pero no pa delitonan serio y tabata basta tempo pasa.” Eventualmente polis a meld diasabra anochi cu e conductor lo a huy ora cu agentenan a papia cun’e, pasobra el a para keto riba e pista di tram: “Parce cu e rapport traha tabata incorecto. E chauffeur a core prome, segun e agentenan, despues cu el a haya un boet, pero despues nan a scucha con e auto a hisa su velocidad.”
Direct despues di e incidente, e antecedente di e chauffeur a wordo treci dilanti, tambe e auto a wordo investiga pa cachonan di polis. Despues cu no a mira ningun motibo sospechoso, pa banda di 11’or Stationsplein a wordo laga habri. Durante e accidente, ocho persona mas tanto turista, a keda herida. Dos di nan serio y di cual nan mester a wordo hinca den coma induci.
Fuente: www.telegraaf.nl