Deporte ta un practica cu cada biaha e ta birando mas di moda entre personanan di tur edad y pais, ya cu no solamente e ta un excelente distraccion, sino cu tambe e ta yuda di forma notabel na nos salud fisico y mental. Ta existi hopi tipo diferente di deporte, pa cual bo por permiti purba cu hopi di nan te ora cu bo haya esun miho cu ta adapta na bo necesidadnan of na bo gustonan.
Un di esunnan mas di moda ta musculacion of actividadnan fisico den gym cu ta sirbi pa gana musculo y volumen corporal. Aunke hende cu ta dedica nan mes profesionalmente na esaki ta sigui un dieet y un rutina hopi diverso na esun cu ta haci’e solamente pa gusto, tambe nos por logra gana musculo di manera totalmente natural cu dos conseho basico pa obtene e resultadonan desea den e tempo premira.
Descubri con pa gana musculo di forma natural, contal di logra un curpa modela, sano y sinti bo mes miho cu bo mes tanto fisico como psicologicamente, danki na hopi di e beneficionan cu bo por obtene realisando deporte di manera habitual.
Constancia y pasenshi
Prome cos cu bo tin cu tene na cuenta ta cu pa e musculonan crece di manera natural, nos meste ta constante den nos entrenamento. E musculonan ni ta aparece ni ta crece di un dia pa otro, pa cual nos tin cu entrena cinco dia pa siman, descansando dos y realisando e ehercicionan adecua con tal cu nos musculonan por crece di manera progresivo.
Ademas, bo tin cu tin pasenshi, ya cu e crecemento aki tin mester di un tempo di por lo menos dos luna pa nota e resultadonan. Por ta cu durante e inicio bo no ta nota e cambionan fisico, pero si bo por ripara cu bo lo ta ganando den forsa y resistencia, algo cu lo yudabo posteriormente na por aumenta e ehercicionan y logra e resultadonan desea cu tempo.
Ehercicionan pa gana musculo di forma natural
E miho ehercicionan contal di gana musculo di forma natural ta esunnan cu ta basa den añadi peso na musculo, manera e peso of algun mashin den gym. Si nos kier gana musculo di un manera equitativo den henter e curpa y di e manera natural, lo miho lo ta pa nos obtene e conseho di un profesional di salud y di deporte.
Den hopi gimnasio ta conta cu tecniconan di sala y entrenadornan personal, kendenan por consehabo cualnan ta e miho ehercicionan p’abo. Es decir, cu si bo caba di cuminsa, por ta bo tin cu basa bo mes den un serie di gruponan muscular pa gana resistencia y forsa, pa mas dilanti bo por centra riba e resto. Di lo contrario, si bo tin hopi tempo haciendo deporte siguramente nan lo recomendabo busca otro tipo di ehercicio cu e fin di por forsa un poco mas e musculo y asina por logra mas volumen di forma progresivo.
Corda cu e musculonan tin mester su tempo pa por crece y si bo forsanan demasiado, bo por yega na genera lesion, loke ta impedibo por sigui entrenando di un manera regular. Asina ta, purba di añadi mas peso y ripiticion di manera progresivo y tene pasenshi, pasobra e musculonan no ta crece asina lihe manera cu lo bo kier. Corda cu e tempo di recuperacion ta clave pa obtene e miho resultadonan y cu bo tin cu combina e tipo di ehercicio aki cu algun cardiovascular, pa mehora bo resistencia y tambe e forsa di henter bo curpa.
Cuida bo alimentacion
Finalmente, otro di e bon consehonan pa gana musculo di forma natural, ta pa tin un dieta sano y balansa. Ademas, ta existi alimento cu por yuda nos gana volumen semper cu bo bay combina nan cu e realisacion di e ehercicionan anterior di manera regular.
Algun di e alimentonan aki ta berdura di blachi berde, manera spinazie, brocoli y kale. Webo y vooral e blanco, mas cu dor, ta otro gran fuente di proteina. E proteinanan aki hunto cu hero, por wordo haya den carni y bonchi manera lenteha, excelente complemento pa nos cuminda diario. Mescos cu galiña y tuna. Carbohidrratonan lo ta hopi importante pa logra e volumen di nos musculonan di manera natural y un gran fuente di fibra, pa loke ta avena, aros integral y volkoren, por ehempel.
Fuente: www.bekia.es