Con pa bisti e saya “pencil” si bo ta curvy

1

Bisti un saya “pencil”, of “bottle”, por parce un poco dificil pa damanan curvy (damanan yen of xl). Si bo ta di e grupo aki, nos lo contabo tur cos pa bo bistinan di un forma super cool y vooral, destacando lo miho di bo silueta.

Cu corte


No laga e sayanan cu cortenan lateral scapa of cu combinacion di color na e parti aki. E cortenan aki bin cu un efecto optico y ta disimula e hanchura di bo heup. Cera na banda tambe por funciona y bo por mustra un tiki mas pia pa luci mas largo.

Cu pretina


Si bo kier marca bo cintura, e pretinanan diki ta yudabo al instante. Ademas lo bo luci cu un cinturita di maribomba.
Si bo tin un cintura hopi marca, bisti bo blusa pafo. Percura pa e largura ta un poco mas riba e heup, asina e lo mantene un proporcion cu bo heup y e resto di bo curpa.

Bon largo


Pa damanan un tiki chikito di estatura y curvy, e largura perfecto di e saya ta bao di rudia, bistient’e unp oco mas abao, bo ta core peliger di luci mas chikito y akinan e truco ta pa luci un tiki mas largo.

Bisa si na prints


Si! Bo a lesa bon. Tambe ta bale la pena luci imprentanan riba bo saya “pencil”. E secreto ta pa e ta di e mesun gama di color y den fondonan scur.

Bonus tip


Bisti sapatonan halto lo mantene bo silueta riba un balance, pointy shoes ta un apuesta sigur pa e casonan aki. Y awo, disfruta di ta un dama curvy!

Fuente: https://instyle.mx/

1 COMMENT

Comments are closed.