Personanan cu trastorno bipolar, un dolencia cu ta afecta mas of menos 60 miyon di persona na mundo, ta presenta menos materia gris, den e parti frontal y temporal di e celebro, un reciente informe ta revela.
E investigacion – realisa pa e Universidad di Sur di California (USC), hunto cu un consorcio di investigadornan internacional – ta mustra cu personanan afecta pa bipolaridad tin diferencia den e regionnan di e celebro cu ta controla e inbicion y emocionnan.
“Nos a crea e prome mapa global di e trastorno bipolar y e forma con e ta afecta e celebro, resolviendo añanan di incertidumbre riba con e celebronan di e personanan ta diferi ora cu nan tin e grave enfermedad aki,” Ole Andreassen, investigador di e estudio y profesor di e Universidad di Oslo, a destaca.
E investigadornan a resalta cu e trastorno psikiatrico debilitante” aki, ta afecta no solamente e personanan cu ta sufri, sino su famia y relacionadonan.
Pa e estudio a analisa mas di 6 mil 500 imagen di resonancia magnetico celebra, di cual mas di 2 mil 400 tabata pashentnan cu trastorno bipolar y un poco mas di 4 mil ta coresponde na e pashentnan di e grupo di control.
E estudio a mustra un adelgasamento di e materia gris den e pashentnan cu bipolaridad, y mayoria deficitnan “a wordo haya den e partinan di e celebro cu ta controla e inhibicion y motivacion, ubica den e regionnan frontal y tempora.”
Segun e analisis publica den e revista cientifico Psiquiatria Molecular, algun di e pashentnan cu trastorno bipolar y un historia di psicosis, a mustra mayor deficiencia den e materia gris den su celebro.
Igualmente, pashentnan cu ta tuma tratamento di lithium a presenta un adelgasamento menor di su materia gris, loke ta sugeri “un efecto protector di e medicacion den e celebro,” e trabao ta resalta.
“Esakinan ta pistanan importante pa unda por mira den e celebro pa efectonan terapeutico di e droganana ki,” Derrik Hibar, Investigador principal di e proyecto a indica.
E investigadornan a destaca e importancia di e informe cu miras pa e desaroyo di tratamento pa e grave problema mundial aki.
“Den reuni e psikiatranan di henter mundo, awo nos tin un fuente di poder nobo pa descubri tratamento cu ta mehora e bida di e pashentnan,” e investigador a confirma.
Fuente: http://www.eluniversal.com.mx