Recientemente a tuma luga un compleho nobo di cateterismo, cual servicio tabata existi caba. Pero particularmente lo bin cu servicio nobo unda por trata e pashentnan cu ta sufri di adernan cera di curazon. Dr. Casper Lacle, cardiologo, ta amplia.
Awor ta bin cu atencion specialisa pa trata esunnan cu malesa cronico di curason y dr. Lacle ta contento cu nan a logra esaki, siendo cu den pasado nan a yega di manda centenares di pashentnan pa exterior via air ambulance. E grupo di Cardiologo na Aruba ta celebra e logro aki y ta hopi contento cu despues cu hopi aña cu diferente persona a haci nan maximo esfuerso pa cuminsa cun’e, por fin el a bira un realidad y e ta bayendo hopi bon.
E malesa di curason tin registro di hopi caso na pais Aruba, unda cu e cantidad unda cu ainda mester a manda hende afo door cu e compleho aki tin un siman so den fase di ‘finetunning’ ainda y cu instalacion di tur e aparatonan, pero nan a haci 8 procedemento caba unda cu 5 a wordo trata cu steam, pero den promedio e cantidad di 300 pashent pa aña casi mesun cantidad den promedio cu Hulanda unda tin registra mas o menos 290 di cada 100 mil pashent.
Den todo caso lo cual por mira ta cu e cifranan aki por sigui crece den futuro na Aruba, segun dr. Casper . Semper algun grupo di pashent ta keda bay afo, den caso di esun cu mester cirugia di curason y tambe esun cu mester opera klep di curason tambe, pero e resto cu ta gran parti por keda atendi na Aruba mes unda cu e 50 pa 70 % procent pa aña di e pashent cu tabata wordo manda den Air ambulance y nan ta haya cuido di biaha.
E ekiponan nobo cu a bini ta di ultimo generacion den Caribe y Latino America, y tambe tin otro aparatonan cu ta yuda pa wak den e arterianan , no solo e imagen sino como e ta mustra di paden anto esaki tambe ta e unico den Caribe cu tin Cap Lab ey anto e proveedor di e ekiponan aki a puntra nos specialistanan si den futuro lo por sirbi como training center.