Nos islanan ABC por yega un mundial. Pero pa futbol di Aruba competi den un competencia internacional esaki tin su beneficionan y e president di AVB a expresa cu e teamnan di Aruba por midi nan mes con nan ta para den futbol entre e tres islanan.
Pa por a logra trece bek e Copa ABC el a tuma su tempo. Pa motibo cu p.e. cu e campeonatonan entre Aruba, Bonaire y Corsou no ta core paralelo y esey ta un di e dificultadnan cu nan tabata tin pa organisa e Copa ABC-S. Naturalmente unabes a habri e porta aki, por bay na e siguiente proyectonan. Aki dies aña kisas Aruba por ta na e nivel cu tur hende kier ta.
Sr. Dijkhoff a bisa cu per 1 November lo cuminsa cu training di diferente seleccionnan cu tin, cuminsando cu U-13, U-15 y U20, pa despues sigui cu U23. A hinca full e organisacion den otro, ta cabando cu e ultimo detayenan pa 1 di November cuminsa cu e seleccionan, cu lo brinda e oportunidad pa eleva e nivel di e futbol na Aruba. Esey ta riba tereno di seleccion, pero den e clubnan tambe AVB ta bezig, ta implementando “Jeugdopleiding” den cuater organisacion como proyecto piloto, cu unabes esey cuminsa drei y haya e acogida cu e haya den e organisacion lo bay implementa esaki den e otro organisacionnan tambe.