California, MERCA- E compania di siguridad Symantec durante e utlimo añanan a detecta varios atakenan cibernetico di cual e malware uza tin gran similaridad cu metodonan cu CIA ta uza pa hack su obhetivonan
Esaki Symantec a informa ariba su website.
E compania ta bisa cu por lo menos 40 obhetivo den 16 diferente pais cu lo a wordo ataca dor di un organisacion yama Longhorn.
Segun Symantec, nan tin e organisacion aki na bista for di 2014, pero ta publica e descubrimento aki pa motibo di e publicacionnan recien di WikiLeaks, over di e asina yama Vault-7 unda tin informacionnan over di e sistema di software cu e Departamento di Inteligencia Mericano lo ta uza pa hack su obhetivonan.
Segun Syamtec, tin poco duda cu e accionan di Longhorn y di e metodonan di haci describi den e Vault-7 lo ta trabao di e mesun organisacion. E compania ta yega na e conclusion aki door di e uzo di e cambionan den uzo di e software di Longhorn, cual a wordo haci na e momento manera indica den e documentonan di WikiLeaks.
Entre otro, sectornan publico, companiann di telecomunicacion, companian di energia y organisacionan espacial lo tabata e obhetivo di Longhorn. Tambe e temporada den cual e grupo tabata activo ta indica riba un procedencia Mericano, como tambe e uzo di palabranan cu tin bin di e cultura Mericano.
E malware cu Longhorn ta uza, segun Symantec ta parce di a wordo fabrica specialmente pa metanan di spionahe. Prome cu e leak di Vault-7 e compania di siguridad tabata di opinion cu Longhorn ta un organisacion cu “tabata tin metodonan na su disposicion cu tabata tin di haber cu e obtenciion di informacion”.
Fuente:www.nu.nl