Comision The Revival of Palo Marga 2 kier recorda tur coredo di drag sea ta di auto, brommer, scooter of jr dragster pa ta presente na un reunion sumamente importante.
E reunion lo tuma luga diahuebs 23 di Maart 2017 pa 7 or y 30 na Club Trappers. Topico di e reunion aki lo ta Salba nos pista Palomarga.
Tur coredo por a mira y ta consciente di e bon trabao cu e grupo The Revival of Palo Marga a logra haci den un tempo record na final di aña 2015 pa asina traha na un forma habri y transparente pa genera mayoria di e fondonan necesario pa awe Palo Marga por tin un timing system nobo. Pues awor ta momento pa coredonan bolbe uni y duna un mandato cla si nan ta desea pa e grupo aki bini bek hunto y termina e trabaonan pendiente cu e mesun transparencia cu a traha na final di 2015, y pa lo mas pronto posibel por habri y reactiva e pista di Palo Marga pa asina e coredonan por bolbe haci uso di esaki pa practica nan deporte preferi.
Comision The Revival of Palomarga ta gradici tur medio di comunicacion pa e tremendo sosten brinda den un tempo record y nos ta spera di por spera di por conta cu presencia di un representantenan di media diahuebs anochi durante di e reunion pa asina cubri e deseo di e coredonan di drag.