Diabierna Comision di Finansa di Parlamento di Aruba a reuni cu CAFT riba e di dos relato trimensual di finansa publico di Aruba pa aña 2017. A constata cu pa 2015 y 2016 Gobierno di Aruba a cumpli cu e normanan financiero cu a fiha y a reduci e deficit te na 0.5%. E prognostico pa aña 2017 ta cu lo yega hasta 0.4% di reduccion di e deficit riba presupuesto. E reto grandi pa gobierno nobo ta pa sigui cumpli cu normanan financiero den futuro manera gabinete Mike Eman a haci. Ta asina lo por sigui reduci e debe nacional di ultimo 31 aña.