Sr. Hubert Dirks, di e comision contra criminalidad a bisa di lo no perde nan tempo pa reuni cu e minister di Husticia ya cu e miembronan no ta wak cu esaki tin sentido. E ta amplia mas ariba esaki,
E miembronan di Comision contra criminalidad ta sinti cu e minister ta skucha cu un banda di orea so. Nan ta sinti cu e minister actual di husticia, ta arrogante y ta kere cu e ta esun mas sabi di mundo. E comision ta latente, e t’ey pero no ta uz’e mas y lo sinta warda ariba eleccion 2017.
Loke cu e comision ta haciendo ta, algun di nan cu ainda ta preocupa, nan ta esunnan cu te ainda ta den comercio y otronan ta pensa con y ta spera pa un cambio. Nan ta spera un cambio di minister cu lo por pone mas atencion ariba siguridad y no ariba otro cos.
Sr. Dirks a enfatiza cu e partido politico cu kier nan voto di confiansa mester pone siguridad di e pueblo ariba su lista di siguridad. Sea cualkier sea e partido, e mester bin cu e ideanan y mustra e comision cu nan lo bin cun’e cu lo maneha e cartera di husticia. Esey lo haya un sosten grandi di e pueblo, mas cu e otro ministerionan cu nan lo por promove, segun Sr. Hubert Dirks.