Comercio lo sufri hopi si no haya un solucion faborabel pa cu e problema na waf

0
RBC Juli 2018
ling and sons porciento
Funmiles-2018

Hopi tempo caba ATIA ta envolvi di cerca, ora cu a yega na nan oido di e problemanan ariba waf. Ta ATIA ta esun cu na prome luga a purba di uni informacion ariba exactamente e efecto cu esaki tin ariba comercio. Den pasado ya caba a lansa un bos di protesta contra di dje. Cierto barconan cu ta bin Aruba, no ta wordo descarga manera mester ta. Sr. Roland van Trigt, presidente di ATIA ta amplia.

E problema ariba waf tin algun tempo caba andando. ATIA na prome luga ta esun cu a purba recolecta informacion ariba exactamente e efecto cu esaki tin ariba comercio. Cierto barconan cu ta bin Aruba no ta wordo descarga na e manera cu esaki mester tuma luga. E situacion aki ta escalando y ATIA a busca e avenida di dialogo, pa purba habri un canal, no solamente buscando informacion corecto di tur partidonan envolvi. Sea ta e doñonan di e barco mes of esunnan cu ta baha carga. Pero tambe ASTEC, ATA, WEB tur di nan tabata envolvi den combersacionnan cu nan tabata tin hunto cu esunnan cu ta trece carga pa Aruba. Cierto momento esaki a escala den un reunion cu nan a trece tambe na atencion di gobierno. Tabata tin reunion tumando luga conhuntamente cu gobierno, pero tambe cu ATA, WEB, ASTEC, dus e partidonan envolvi pa asina haci un analisis di e situacion manera cu e ta. Esey ATIA pa basta tempo ta basta preocupa. Pasobra cu manera cu e director di ASTEC mes a bisa diamars, e waf di Barcadera, un averahe di tres hora pa dia ta cera pa motibo di e huma cu ta bin for di WEB.

Si calcula cu un movecion di descarga ta tuma mas o menos, 15 pa 20 container pa hora, por imagina ki efecto esaki tin ariba bahamento di container. E tin mas issues ta bin acerca. E barconan ta descarga pero no ta bayendo cu e containernan bashi, pasobra cu no tin tempo pa haci esey door di e tardansa. Pero e problema ta escalando den sentido cu tambe tin doñonan di barco cu a tuma nota di situacion na Aruba, cu tambe ta manda mensahe bon cla cu eventualmente nan lo skip Aruba como destino pa baha carga. Naturalemente ta un acumulacion di hopi factor pa un isla manera Aruba, tin hopi consecuencia. Aruba ta hopi vulnerabel mes den turismo. Turismo ta exigi cu nan por ricibi nan productonan na un manera eficiente y rapido. No ta permiti cu cierto productonan ta faya. Esaki ta un preocupacion masha grandi mes pa ATIA y comercio, pa nos economia. Pero ta purba na resolve esaki. Pero no ta resolve esaki facil tampoco.

Den reunionnan cu a tuma luga, no tin niun factor cu no a discuti ariba dje. A discuti ariba e schubbersnan cu ta baha e cantidad di sulfer cu ta wordo pusha den atmosfera. A papia ariba cumpra fuel di miho calidad. Tin 2.7 te 3% di sulfer den nos heavy fuel. Si baha esaki ta haya menos problema tambe. Pero tur e accionnan aki, na prome luga ta tuma poco tempo pa wordo implementa y na di dos luga e ta costa placa; WEB ta produci energia pa nos pais. Semper nos kier pa nos energia wordo produci na e manera mas economico y cu nos ta paga un suma acceptabel pa nos energia. pero ora un problema asina ki sosode, nos mester realisa cu e ta bay tin consecuencia den prijs. Si baha un fuel di miho calidad, un fuel di 0,5% di sulfer so, probablemente lo yuda enormemente den e problema aki, ya ta bayendo den direccion di diesel, cu tin influencia pa e prijs di coriente na Aruba. Tur e opcionnan aki ta costa placa y di un of otro manera mester wordo paga tambe.

Sra. Prome Minister tambe, despues di e reunion cu ATA tabata tin reunion cu Prome Minister cu WEB, ASTEC, APA a sali bisa di biaha cu salud di hende ta na prome luga y cu e mester wordo soluciona. E solucion no ta den un dia. Pero ta haci un suplica na ASTEC pa mehora e contacto cu e comunicacion cu esunnan cu tin cu hala.

Diamars por a ripara cu e porta tabata sera mientras cu tabata tin molester di huma. Un miho comunicacion ta faborabel, pa cual ta haci un suplica pa no mas accion, ya cu e lo haci mas daño cu e lo haci bon. Ta haci un suplica pa habri dialogo cu mas persona cu ta envolvi den e proceso pa asina tin transparencia di kico lo pasa.

Gobierno tin atencion total pa e problema aki, Sra. Prome Minister a declara esey tambe y cu salud di hende ta bin na prome luga. Pero lamentablemente e solucion no ta bin di awe pa mañan. E accion a hala atencion. Pero ta spera cu e accionnan ta limita y atencion ta suficiente. E realisacion na tur partnernan ta suficiente. Y Sr. van Trigt ta confia cu pronto lo tin bay tin un declaracion di con esaki lo bay wordo soluciona of mengua na un manera aceptabel. Te aki, declaracionnan di Sr. Ronald van Trigt, presidente di ATIA.

Comments

comments

C: Heineken
new india
dvg