Mal aliento ta un sintoma comun cu por genera insiguridad y problemanan di autoestima debin a e impacto cu e tin den e entorno social.
E ta wordo caracterisa pa un holor desagradabel den boca, casi semper deriva di un infeccion bacteriano of e acumulacion di residuonan di alimento entre e djentenan.
Si ta bon, e uzo diario di pasta dental y enhuage ta yuda neutralis’e, den ocasionnan, ta necesario otro tipo di remedi pa haci’e frente.
Pa suerte, danki na su propiedadnan, algun ingrediente natural por control’e desde su origen y evita pa e aparece di nobo.
Den e oportunidad aki, nos kier comparti algun bebida, cual consumo ta reduci di forma notabel e problema aki. Descubri nan.
1.Yoghurt natural
E consumo regular di yoghurt natural cu probiotico ta un di e miho opcionnan pa controla e mal aliento y e problemanan bocal.
E cultivonan bibo ta yuda regula e pH di e boca, pareu cu ta reduci e proliferacion bacteriano y e exceso di acides.
Ademas, dado cu e digestion ta mehora, e yoghurt natural ta ideal pa controla e problemanan di stoma cu ta infui den e aparicion di e condicion aki.
Kico bo mester haci?
Coy mey glas di yoghurt natural na yuna, ya solamente e compaña cu algun pida fruta.
Ripiti e consumo parti atardi.
2. Thee preto
E contenidonan den thee preto, ta loke ta conferi su capacidad pa combati di forma eficas e holonan malo den boca.
E antioxidantenan aki ta para e crecemento di e bacterianan dañino y na su banda, ta facilita e limpiesa bucal den areanan poco accesibel.
Ingrediente
1 cuchara di thee preto (10g)
1 cup di awa (250ml)
Kico bo mester haci?
Keinta e awa y ora cu e yega na herbe, añadi e thee preto y lag’e pa e mara durante 10 minuut.
Bebe na yuna y ripiti despues di lunch.
3. Juice di lamunchi
E naturalesa acido di e juice di lamunchi por wordo probecha como complemento pa combati mal aliento y e infeccionnan bucal.
Su propiedadnan ta regula e pH di e saliva y ta promove e eliminacion di e microbionan cu ta general mal holo y malesa.
Ingrediente
Juice di un lamunchi
½ glas di awa (100ml)
Kico bo tin cu haci?
Primi e juice di lamunchi y meskl’e den e mey glas di awa tibio.
Realisa gorgel cu e bebida, 2 pa 3 biaha pa dia.
Di forma opcional bo por consumi un glas di awa cu lamunchi na yuna.
4. Infusion di peterselie
Aunke hopi ta combati e mal aliento door di kauw un pida peterselie, e consumo di su infusion ta un forma mas eficas di haci frente na e incomodo sintoma aki.
E bebida tin propiedadnan depurativo y antioxidante cu ta contribui na elimina e desechonan cu, di algun forma, ta influi den e aparicio recurente di e condicion aki.
Ingrediente
1 cuchara di peterselie (10g)
1 cup di awa (250 ml).
Kico bo tin cu haci?
Incorpora un cuchara di peterselie den un cup di awa herbi y lag’e reposta pa 10 minuut.
Cola e bebida y bebe.
Bo por tum’e te cu 3 biaha pa dia.
5. Infusion di yerba di hole
Yerba di hole ta otro di e matanan util pa combati e mal aliento y e sintomanan di algun infeccion den e djente y encianan.
E ta conta cu propiedadnan antibacteriano y antiinflamatorio cu ta resulta util pa promove e limpiesa di boca.
Ingrediente
1 cuchara di yerba di hole (10g)
1 cup di awa (250ml)
Kibo bo tin cu haci?
Basha e cuchara di yerba di hole den un cup di awa herbi y ora cu e alcansa un temperatura apto pa su consumo, filtr’e y bebe.
Ripiti esaki te cu 2 biaha pa dia.
6. Binager di appel y awa
Acidonan natural cu ta contene e binager di appel ta antibacterianonan poderoso cu ta yuda haci e boca limpi pa preveni y trata halitosis.
Su activonan ta regula pH di stoma y ta yuda reduci e produccion excesivo di acido.
Ingrediente
1 cuchara di binager di appel (10ml)
1 glas di awa (200 ml)
Kico bo tin cu haci?
Agrega un cuchara di binager di mainta den un glas di awa lauw y bebe na yuna.
7. Infusion di camilebloem
E infusion di camilebloem of manzanilla ta hopi util pa reduci e mal aliento ora cu su origen tin di haber cu problemanan hepatico of alteracionnan den bacterianan di e curpa.
Su propiedadnan depurativo ta remove e toxinanan reteni den sanger y ta apoya e proceso di desintoxicacion di e higra.
Lo mas interesante ta cu su accion antiinflamatorio tambe ta disminui e dolor di djente y encia ante e infeccionnan oral.
Ingrediente
1 cuchara di flor di camilebloem (10g)
1 cup di awa (250ml)
Kico bo tin cu haci?
Incorpora un cuchara di flor di camilebloem den un cup di awa herbi y lage reposta pa 10 minuut.
Pase door di un colado y bebe te cu 3 biaha pa dia.
Bo ta luchando cu e problema molestoso aki? Eligi cualkier di e bebidanan menciona y bebe nan di forma regular pa probecha nan propiedadnan.
Esey si, tene na cuenta cu bo tin cu complementa su consumo cu algun bon habito di higiena bucal.
Fuente: www.mejorconsalud.com