Diaranzon anochi e comandante di brandweer di Curacao Sr. Elvin Regina a comenta di e explocion cu a sosode diaranzon alrededor di 4:15 atardi na Asfalt Lake Recovery. E conferencia a habri unda e Comandante a manda palabra di profundo condolencia y forsa na e famianan y tambe e heridonan cu tin. Tin un solamente un victima di e cuatronan cu no por a sobrevivi di e kemaduranan fuerte.
Algo pasa di 4 or nos a haya e melding di un explocion altura di Asfalt Lake di biaha a despacha dos unidad a sali di e dos postnan y a topa cu ambulance cu ta transporta e victimanan mas grave. Mes ora a domina tur e candela cu no lo haya cu expancion. Sr Regina a bisa cu nan a haya yudansa di bomberonan di e refeneria. A haci uso di nan tambe debi cu tabata candela cu azeta di crudo pisa y bomberonan tabata sa cu mester tabatin mas di foam y esaki a keda usa di e trucknan di refeneria. Sr. Regina a bisa cu algo pasa di 7 or di anochi tabatin e candela domina.