Guillermo Morales, kende su video a bira viral y a genera indignacion, a bisa cu “tabata un momento di aventura, un momento unda cu nan tabata bebi”.
“Mi kier pidi despensa na e pais, como tambe e Japones. E tabata un momento di aventura, un momento unda cu nos tabata bebi. Mi tin yiu muhe, mi tin famia, mi no ta hende di mala fe, mi ta un bon persona. E tabata un video cu nan a manda rond. Tabata un joke entre amigonan, mi ta pidi mil disculpa na e pais. Mi ta compronde boso compronde”, Morales a sigura.
E fanatico a graba un video unda cu por wak’e hunto cu dos muhe Japones ripitiendo palabranan malo na Spaño, na salida despues di e wega entre e seleccion di Colombia y e Japones na Saransk.
Autoridadnan a pidi Morales pa e presenta di biaha na Kazan. E Cancilleria Colombiano ta considera cu e tipo di hechonan aki ta violencia contra di hende muhe.