Texas, MERCA- Un co- piloto di e compania di aviacion Mericano American Airlines a bira malo durante un vuelo domestico for di Dallas pa Albuquerque. El a fayece poco despues di e aterisahe.
Un rato prome e capitan di e Boeing 737-800 a bati alarma. E avion por a aterisa sin ningun problema y ya dokternan tabata para cla pa atende e co-piloto. Pero tur esfuerso tabata en vano: e homber a muri un rato despues. Kico ta e causa, ainda no ta conoci.
Dos aña pasa un capitan di American Airlines a bira malo durante vuelo. E avion por aterisa danki na e co-piloto.