CARACAS, Venezuela- Diamars ultimo, Conseho Nacional Electoral a reubica 200 centro di votacion den 16 estado. E decision aki ta bin faltando solamente cinco dia pa e eleccionnan regional tuma luga.
E periodista specialisa den e fuente electoral, Eugenio Martinez a precisa cu e medida aki ta pa “supuesto falta di material” cu lo afecta un total di 312 mil elector.
“Den e 200 centronan cu CNE ta reubicando, tin 312 mil elector inscribi. Na 2015 den e 200 centronan aki, 80% a vota pa oposicion”, el a recorda ariba su cuenta di Twitter.
E electornan di e centronan di votacion cu a wordo cera door di CNE a wordo reubica pa asina toch eherce nan derecho di voto den otro centronan. Ora di hinca e number di cedula den e website di e poder electoral, lo sali e locacion caminda cu e votado lo mester bay pa asina eherce nan derecho di voto.
“E recomendación principal na e votadonan pa dia 15 di October ta pa periodicamente revisa e centro di votacion y e mesa asigna”, el a agrega den otro mensahe publica ariba rednan social.
Martínez a precisa e cantidad di centronan cu a wordo inhabilita den algun estado. Na Tachira, 39 centro di votacion cu 31 mil votado inscribi, na Lara 53 mil votado na Aragua, 36 centro di votacion cu 42 mi votado inscribi.
Fuente: https://cactus24.com.ve