Diasabra awor 3 di December, Club Gimnastico Arubano Avanse lo organisa nan prome di e tres dia di competencia, cuminsando cu e categoria di nobato esta e beginners. Ya for di 8or y mey di mainta te cu 10or lo tin e Beginners Group y Beginners Rhythmic, sigui pa Child 1 di 10or te cu 11or di mainta. Lo clausura e dia di competencia cu e Grassroots Rhythmic y Child 2 di 11or di mainta te cu 12or y mey di merdia.
E deporte di gimnasia a conoce un tremendo desaroyo den 2016, unda Club Gimnastico Arubano Avanse a competi den varios evento internacional y cu exito. Algun luna atras, nos gimnastanan a haya e oportunidad unico pa competi den e XII Copa Panama Classic y aki a keda demostra cu nos atletanan tin un nivel halto di competencia mirando cu ta varios medaya a keda conkista. Mirando e resultadonan fenomenal, ni algun siman Club Gimnastico Arubano Avanse ta ricibi un otro invitacion, e biaha aki di Puerto Rico pa participa na un competencia pero uno di nivel mas halto unda lo mester a competi contra di Puerto Rico, Merca y Canada. Aki un bes mas nos atletanan a logra triunfa cu varios medaya entrenan den nivel 6 cu e atletanan Rebecca Spellen y Kim de Vries. Tur esaki a demostra cu e deporte di gimnasia ta uno cu ta crece rapidamente na Aruba y awor hasta ta competi ganando premio den exterior.
Un danki sigur na Lotto, e Loteria di Aruba pa medio di Comision di Subsidio cu a subsidia e competencia di beginners di Club Gimnastico Arubano Avanse enconnecion cu e ASU Olimpiada 2016.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.