Despues di un exitoso competencia den e categoria di beginners diasabra siman pasa, awor ta toca turno na esunnan mas grandi y avansa pa demostra nan talento den e deporte di gimnacia. Tanto diabierna 9 di December como su mañan diasabra 10 di December, Club di Gimnasia Arubiano Avanse lo continua cu nan competencia e biaha aki den e categorianan Youth, Junior y Senior.
Riba diabierna lo inicia pa 4or te cu 5or di atardi cu e competencia den Youth A y Youth B. Despues lo sigui cu e competencia den e Mixed Group 1 y Mixed Group 2 esaki lo ta di 5or pa 6or di atardi. Pa su mañan diasabra lo a inicia e competencia pa 10or di mainta unda cu a toca turno na e Junior Group pa demostra nan clase esaki te cu 11or di mainta. Por ultimo a clausura e competencia y alabes a campeonato 2016 cu esnan mas grandi esta Senioren esaki di 11or di mainta te cu 12 or di merdia. Ambos dia tabata na e Compleho Deportivo Franklin Bareno na Piedra Plat(Britannia) unda Club di Gimnacia Arubiano Avanse tin su sala nobo.
Club di Gimnacia Arubiano Avanse a conoce un crecimento na atleta den e ultimo añanan. E desaroyo ta uno super positivo unda nos gimnastanan a haya e oportunidad di midi nan mes na nivel internacional y cu exito. No solamente nos atletanan ta participa pero tambe competi unda a logra obtene varios medaya di tur sorto di color. Tur esaki a desmostra cu e deporte di gimnacia ta uno cu ta traha duro na bienestar di e atletanan logrando cosnan grandi den exterior.
Un danki sigur na Lotto, e Loteria di Aruba pa medio di Comision di Subsidio cu a subsidia e competencia di Youth, Junior y Senior di Club di Gimnacia Arubiano Avanse en conexion cu e ASU Olimpiada 2016.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.