Tanto diasabra dia 3 di December como tambe diadomingo 4 di December, Club di Dam Arowak lo organisa nan campeonato hubenil 2016 den e deporte dammen pa tur nos hobennan na Aruba. Mester bisa cu e competencia lo wordo hunga den dos categoria esta categoria 1 lo ta pa e muchanan di 6 – 12 aña, mientras cu den e categoria 2, e edad lo ta uno mas grandi unda lo hunga di 13 – 20 aña. Mas cu claro e premionan lo ta atractivo mientras tin trofeo pa e prome tres luganan.
E weganan lo wordo hunga na Centro di Bario Noord y e orario lota di 11or di mainta te cu 4or di atardi. Un invitacion cordial ta bay pa tur nos hobennan di Aruba den e edad di 6 – 20 aña bin participa na e Campeonato Hubenil di Dammen 2016 y wak si abo lo por ta e triunfador den dammen despues di dos dia di competencia.
Un danki na Lotto, e loteria di Aruba cu pa medio di Comision di Subsidio cu a yuda subsidia e Campeonato di Dam Hubenil Aruba 2016 na Centro di Bario Noord.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.