Un cantidad di sushi grandi tira den Bubaliplas dilanti di hotelnan a trece problema serio pa loke ta sangura. Clayton Croes di GKMB a splica ki accion mester a tuma.
Diamars mainta GKMB a haya yamada cu tin hopi molester. Diferente comerciante di e strip di hotel a geef door cu a haya hopi molester di sangura. A manda e lider di grupo pa haci un control si berdad tin un problema manera cu a meld. E melding a drenta aden cu tin un problema basta grandi loke ta sangura, mustrando atrobe cu loke tabata tin problema den pasado, cu a yega di indica, cu ta un problema cu a wordo drecha, a empeora. E cantidadnan di criadero ta grandi, sushedadnan inecesario y un bista no bunita pa nos bunitanan cu ta bishita riba nos isla, Croes a indica.
GMBK tabata na un milieuzone cu tabata contamina, for di cement pa verf, pallet, mobiliario, microwave, set di stoel completo y tur cos cu ta dañando e balansa di naturalesa cu tin eynan. A nota cu tin cantidad di criadero grandi. Esaki ta bon pa bisa tambe cu tin criadero di Aedis Tenerifus, cu no ta contagia, pero sigur ta causa molester y ta hopi desagradabel pa e turistanan cu ta bishita nos. E mesun obhetonan aki ta kibra e fluho natural di e awa, strobando piscanan cu ta tene e balanse den e naturalesa, cu ta desbalansa nan y ta daña full e medio ambiente. Na e mesun luga a haya cantidad di criadero, manera ya indica.Ta asumi cu tur e sushinan aki a wordo deposita ilegalmente. Una bes cu awa cay, esaki por bira un problema pa tur e turistanan cu ta bishita e strip.
Croes a sigui splica cu tin contacto caba cu un partner hopi importante cu ta Serlimar, cual a wordo poni na altura. Nan a wordo notifica di e peliger cu ta pasando eynan y tambe a delibera caba kico e stapnan mester ta, cual sigur ta limpiesa. Wak si ta un tereno priva, si ta doño di e strip mes, of ta tereno publico y wak con pa adresa esaki. Di e mesun manera, pa bin cu un manera pa preveni cu esaki ta sosode, sea cu ta cu un cura, of e ta bira un solucion pa haci’e mas visibel, cu na modo di bisa cu hende no por yega deposita sushi, sin cu ningun hende no por tuma nota di esaki, Croes a splica.