Sofocamento ta sensacionnan repentino di calor, normalmente mas intenso den cara, nek y pecho. Loke ta mas comun cu e sofocamento ta debi na menopausa y ta e tipo di e sintoma mas conoci di e transicion pa e etapa aki di e hende muhe.
Mediconan di Mayo Clinic ta ofrece un serie di tips pa e muhenan di cual e sofocamento ta leve. Esakinan ta propenso na coregi cu cambionan den e estilo di bida. Aki ta sigui algun conseho:
Paña
Un aumento lihero den temperatura interno di curpa por desencadena un sofocamento. Bisti cu capanan di paña, di manera cu bo por kita algun prenda ora bo ta sinti calor.
Busca brisa
Habri e bentana of recuri na un fan of airco. Si bo por, reduci e temperatura di e camber.
Bebe algo friu
Si bo ta sinti cu un sofocamento ta pa bin, bebe algo friu. Reduci condimentonan, pica, koffie y liquer. Presta atencion na loke bo ta come y bebe. Cumindanan pica y cu hopi specerij, bebidanan cu cafeina y bebidanan alcoholico por desencadena sofocamento.
Medita y hala rosea
Algun muhe ta logra alivia sofocamentonan leve atrabes di meditacion, di respiracion lento y profundo of di otro tecnica pa reduci stress. Aunke e metodonan ey no ta mitiga e sofocamentonan, por brinda otro beneficionan, manera alivia alteracionnan di soño cu por sosode cu menopausa.
No huma
Tabakismo ta vincula cu mayor cantidad sofocamento. Sin huma, sofocamentonan posiblemente por reduci, igual cu e riesgo di contrae hopi afeccion di salud grave, manera un enfermedad cardiaco, un accidente celebrovascular y cancer.
Baha peso
Si bo ta gordo of obeso, baha di peso por yudabo alivia sofocamento.
Fuente: El Universal