Diamars anochi despues cu e team di Train Hard Fight Smart di Brazil Taekwondo Stichting a regresa Aruba for di Portland, Oregon. Nan a wordo bon ricibi pa Dr. Guaicaipuro Jimenez y su atletanan. Un anochi hopi special pa e atletanan cu a topa otro unda cu tabata tin intercambio di conversacion y e atletanan a keda masha contento di por a mira nan medayanan. Aaron Jacobs kende a coach e atletanan a gradici Dr. Guaicaipuro Jimenez, pasobra e la logra haci e curso di coach y a duna Aaron Jacobs asina e oportunidad di por a coach e cinco atletanan.
Dr. Guaicaipuro Jimenez a keda masha contento y por bisa cu e atletanan di Aruba ta ariba e bon caminda y por mira cu nan a trece medaya bek y semper ta pone e bandera di nan pais na halto. Awor tin tres atleta di Brazil Taekwondo Stichting ta preparando pa e World Championship na Canada, esaki ta e ultimo campeonato di ranking di e aña aki.