Segun Clarisca Velasques, parlamentario di AVP, no tur atraco ta atraco, pasobra tin mal informacion a sali di parti MEP, cual manera di bisa, no ta corecto.
E ta accentua cu tur hende tin derecho di manifesta, pero no por ta asina cu un partido politico ta instiga y ta orkestra atraco, crimennan y despues pa hende bay manifesta. Esey tin cu pidi polis tambe pa haci investigacion cuanto di e atraconan, crimennan tabata orkestra pa partidonan politico.
Por ehempel nan ta pone riba social media cu tin atraco na Perle D’or. Luga a bin resulta cu no ta atraco, ta djis Venezolanonan cu ta keda atras, cu ta bay nan pais y a haci desordo.
Tin cu haci investigacion tambe. Como pueblo, como prensa, pasobra cu mester duna e berdad na nos comunidad. No cosnan falso. E intento di atraco cu a tuma luga na Hulpbestuurskantoor na Santa Cruz, ta pidi polis pa haci investigacion pa gara e hendenan aki, pasobra cu e cos aki ta hopi straño. E Modus Operandi aki, Velasquez no ta compronde. Cu hendenan ta bin hulpbestuurskantoor, cu ta cera 3’or y mey. Kier bin 3’or y mey ora e ta cera, cu bo auto, porta ta cera na lock, bo ta bay los tiro riba e porta y despues bo ta bay. Velasquez ta pidi polis haci investigacion pa gara e hendenan aki, pasobra cu e cosnan aki ta straño.
Segun Velasquez no kier pa ningun atraco sosode na Aruba. Pero tin cos no ta den nan man. Si Velasquez hinca den su cabes pa mata un hende, polis no por preveni, pero e tin cu actua si y tin cu haci hopi pa purba preveni tur loke cu ta pasa riba Aruba. Pero tin cos no ta den nan man pasobra nan no ta den e cabes di e criminal, pero tin cu purba duna instrumento na polis, pone mas polis riba caya. Tur hende na Aruba conciente, pasobra loke ta sosode na Aruba ta preocupacion di nos tur. No di husticia so. Hopi biaha ta nos mesun hendenan ta haci cosnan contra husticia.
Velasquez ta mustra cu falta di placa ta un parti di e problema, pero Parlamento ta bay haci su trabao pasobra presupuesto ta bay wordo atendi den e luna cu ta bay bin.
E presupuestonan di polis, si compara nan cu añanan anterior, tin casi 10 miyon di overtime ta wordo paga na polis. Awo si bisa cu tur placa inverti den husticia, polisnan nan posicion huridico drecha, tin material, pero tin criminalidad. Tin cu bay wak kico ta e problema. Tin placa inverti den husticia, hopi placa. Mas cu nunca. Overtime mas cu nunca, casi 10 miyon di overtime, den e presupuesto aki pa polis so. Presupuesto di KIA, mas halto cu overtime cu nunca, CEA, Brandweer, polis, tur ta mas halto cu nunca, segun Velasquez. Material, mas hopi cu nunca y tin criminalidad ainda. Kiermen mester wak unda e problema ta. No ta tur ora ta placa. A ripara cu tin mas placa hinca cu nunca. Mester bay sondea awo pasobra tur cos a wordo haci y tin criminalidad ainda, Velasquez a menciona.