Dinner With The Kids ta un evento cu CKI di Universidad di Aruba ta organisa cada aña. E evento aki tin como meta pa pone e mucha nan pasa un rato agradabel y pa asina nan por gosa di tur actividad plania specialmente pa nan. Cu e apoyo di e comunidad di Aruba e evento aki ta bira cada aña mas grandi.
E aña aki 50 mucha a wordo invita pa join e miembro nan di CKI na Occasions pa asina celebra e temporada di pasco. Durante e evenemento tabata tin various wega cu e mucha nan por a disfruta di dje y gana premio. Sin falta, un plato a wordo prepera pa e mucha nan cu diferente cuminda di pasco. Un bishita inespera a poni un smile imenso riba e cara di e mucha nan ora Santa Claus yega y a bin cu regalo pa tur e muchanan. E miembro y e mucha nan a disfruta di un evento exitoso yena cu alegria y alabes celebrando e temporada di pasco.
CKI di Universidad di Aruba kier a pidi danki na tur esun nan cu a haci e proyecto aki posibel. Ademas, CKI kier a gradici: Kooyman, Crystal Casino, Divi Impact y Aruba Airport Authority pa nan aporte na e Dinner With The Kids y pa yuda nos haci’e inolvidabel pa e muchanan.
CKI di Universidad di Aruba kier a desea henter pueblo di Aruba un bon Pasco y un feliz aña nobo.