Comandante na warda a manda patruya den Peter Stuyvesantstraat pa un ladronicia. E habitante B. a declara cu ora el a yega cas, e porta di e cura tabata habri y a ripara cu tabata tin sanger riba e muraya. El a subi trapi, mirando cu su apartment ta situa riba e di dos piso. Riba e trapi tabata tin sanger. E porta di e apartment tabata na yabi. E bentana di e porta tabata kibra, e porta tabata forsa, pero tabata na yabi. Henter e apartment tabata reboltea y bao di sanger. B. a mustra polis e sanger cu tabata tin riba e muraya di e edificio di Wit Gele Kruis. Tabata tin un schroevedraaier cu sanger banda di e muraya. Tabata tin un saco blanco cu contenido dilanti di e ex edificio di Berta’s Flowershop. B. a declara cu e saco cu contenido no ta di dje. Departamento tecnico y Central a wordo poni na altura.