Herne, ALEMANIA- E ciudad Aleman di Herne ta den gara di un asesinato infantil cruel, despues cu un mucha homber di 9 aña a wordo hinca mata door di un bisiña di 10 aña.
Polisnan a haci apelacion pa no laga muchanan hunga riba caya of den e speeltuinnan.
Segun medionan di comunicacion Aleman, e bisiña a broma di su hecho riba rednan social y ta fugitivo. E ta wordo considera como peligroso door di polis y kisas lo a hasta comete un otro crimen.
Scolnan na Herna a habri diaranson, pero toch ta hopi di e mayornan cu a dicidi pa mantenan nan yiunan na cas te ora cu tin mas claridad ariba e caso.
Dilanti cas di e victima di 9 aña, hopi ta esunnan cu a trece bela, flor y peluche. Autoridadnan a bisa cu no tin motibo pa panico. Polisnan tin miedo cu kisas un hende lo kier tuma husticia den su propio man.
E sospechoso, Marcel Hesse, tabata conoce e victima Jaden y a invit’e pa bin yud’e cu algo. El a wordo hinca mata den e kelder y a broma cu esaki riba e sitio ‘darknet’, unda el a pone potret y video di e asesinato. Tambe el a broma di un asesinato ariba un hende muhe.
Fuente: RTL nieuws