Rumornan fuerte cu tabata circulando tabata bisa cu personal di City inspector lo ta controlando restaurantnan den San Nicolas pa cual nos a acerca director di City inspector Aruba Sr. Marlon Pieters pa si ta berdad.
City Inspector, Sr. Marlon Pieters a nenga categoricamente cu City Inspector lo ta haciendo controlnan di restaurantnan. Unico manera cu restaurantnan ta cay bou di City Inspector ta si e restaurant ta tira su sushi pafo y e bari sushi tin mucho sushi pafo di e bari, eynan City Inspector por haci fastioso, pero drenta den un restaurant y check cushina no ta cay bou City Inspector.
Unica manera cu City Inspector por drenta un den un restaurant y haci control, ta conhuntamente cu Salubridad Publico of cu Polis. Control di restaurant no ta cay bou di competencia di City Inspector. Y nan no tin autoridad pa laga cera un restaurant.
Sr. Pieters a enfatisa cu nan trabao no ta control higiena den un restaurant, nan competencia ta pafo di e restaurant. Solamente cu otro departamento nan por haci control. Ni ora cu nan ta wak cu un restaurant ta sushi, City Inspector por manda cera un establecimento.
City Inspector ta tene su mes pafo di negoshi of cas, ariba caminda publico. Pero segun informacionnan, ta un persona bisti cu uniform di City Inspector, cual a sorprende Sr. Pieters.
Segun Sr. Pieters, si un hende cu ta resorta bou di su encargo, e lo atende esey cu e persona en cuestion.