Nos ta den temporada di Cuaresma, y e trabaonan di City Inspector ta continua. Y nan lo ta prepara tambe pa Semana Santa, caminda cu nan lo bay controla e luganan caminda hendenan tin custumber di bay campa.
Danilo Prescott di Bureau City Inspector, a splica cu Semana Santa lo ta mescos cu tur otro aña. Nan lo controla rond di e luganan di campa, pa asina e usuarionan haci rond di nan tent limpi. Ta haci un yamada pa esnan cu ta bay campa, pa tene rond di nan luga limpi.
Carnaval a pasa y hopi trabao di BCI y KPA y Serlimar, vooral danki na Serlimar, pasobra na final nan ta haci e trabao y City Inspector tey simplemente pa controla. Ta spera cu Semana Santa cu lo bay ta bon, mescos cu añanan anterior. Esnan cu ta campa ta mantene rond di nan luga limpi. Tur cos deposita den saco y den bari y mayoria bes nan ta esun cu ta bay cu e desperdicio cas.
Hopi sushi sa bay lama, pasobra fundacion cu ta haci lama limpi, tur aña tin dolor di cabes. Riba esaki, Prescott a splica cu loke ta bay haci, ta mescos cu a haci den Carnaval. Ta bay purba di concientisa pueblo cu ta bay campa. Duna mas tanto informacion posibel. Purba di educa pa mantene nan mes luga limpi y zorg pa e sushi no bay lama. Plastic den awa no ta disolve y ta keda den e awa. Asina nos flora y fauna ta bay atras. Ta keda na cada hende pa pensa logico kico ta e daño cu esaki por trece, el a splica.