Diaranzon mainta City Inspector hunto cu algun personal di Serlimar a tene un accion den den Playa den e edificio bandona di Ex Tonk Carniceria unda chollernan pa hopi tempo a invadi e lugar.Sr. Marlon Pietersz a comenta cu tipo di cosnan asina ta keda un problema rond di nos Isla cea den Caya Grandi of den barionan. Pariba di Kowloon unda e ex edificio di Tonk Carniceria ta den oranan di anochi bo no por staciona bo auto unda tin hopi reclamo di e restaurant Kowloon y bicindario unda bo staciona bo auto bo ta bin haye bek kibra unda e adictonan ambulante ta kibra den esaki. Ultimo tempo hendenan ta fada y harta y aki City Inspector a bin haci su trabou inspecciona e lugar y berdad a topa cu bastante sushi den e lugar y un mahos bista. Hunto cu un Team diaranzon mainta a haci un limpiesa completo pa despues fumiga full e lugar.

 
City Inspector su trabou awor lo ta pa wak ken ta doño di e lugar aki pasobra e parti dificil aki ta e porta dilanti unda maske bo cere cu cabuya anochi e adictonan ta drenta y podera di e lugar. Sr. Pietersz ta haya cu e otor instancia di Gobierno mester ta man duro y pone e doño cera e lugar aki completo of haci algo lo mas pronto posibel unda lugarnan asina no por keda asina bandona. Tur ora bo ta hayabo cu lugarnan asina ta keda bandona y Gobierno mester haci limpi pero ta yega un tempo cu Gobierno mester cobra esun cu tabata doño di edificionan bandona asina.

 
Di parti di City Inspector ta haci su maximo esfuerso y ta actua haci limpiesa y Sr. Pietersz kier a manda un palabra di bon trabou pa e grupo di Serlimar, Polis y tambe City Inspectornan.