Riba diahuebs, 4 di juli, 2018 pa mas o menos 11 or y 10 di mainta Guarda
Costa di Aruba a descubri un sheen di azeta cerca di e haf paden di e facilidadnan di terminal di CITGO Aruba.
Mas despues CITGO Aruba Refining N.V. (CAR) a confirma cu e sheen aki a origina di e canto di costa rond di e area di e finger pier a consecuencia di yobida pisa. Inmediatamente a pone dispersante. Tambe a notifica Departamento di Calamidad di Aruba, Refineria di Aruba y Departamento di Naturalesa y Medio Ambiente.
CITGO Aruba Refinery lo keda monitoria e situacion considerando cu e
siguridad y cuido di nos empleadonan y medio ambiente ta keda e enfoke principal.