Presidente di Venezuela, Nicolas Maduro, a anuncia durante su discurso anual na e Tribunal Supremo di Justicia cu el a dicidi di extende te dia 20 di Februari e circulacion di biyete di 100 Bolivar.
“Mi a dicidi di extende pa un luna mas, te dia 20 di Februari, e circulacion di e biyetenan di 100”, Maduro a indica. Di otro banda, el a comenta cu entrante dialuna e prome biyetenan di 500 bolivar lo drenta den circulacion.
“Mayan dialuna lo sali di manera progresivo e biyetenan di e cono monetario nobo y durante e transcurso di e luna di Januari y Februari nan lo sigui yega, poco poco. El a adverti cu hopi maniobranan ta wordo haci, pa e biyetenan nobo no yega e pais, “pero nan lo no tin exito, mi ta sigura boso esey”