Cancer di ovario tin e tasa di mortalidad mas halto entre e hende muhe. Esaki ta pa motibo cu mayoria di casonan e ta wordo diagnostica mucho laat. E hende muhe tin e probabiliad di presenta e sintomanan si e malesa ya caba a spreid, sin embargo den su comienso tambe e por dunabo e sintomanan, segun e website www.cancer.org
Esaki ta algun di e sintomanan mas comun:
1. Hinchazon abdominal. Cuidado, no pasobra cu bo ta sinti bo bariga inflama, esey ta nifica automaticamente cu bo tin cancer di ovario, pero si e sintoma aki persisti, lo ta bon pa consulta cu’n ginecologo.
2. Cambio den e periodonan menstrual. Mescos cu e punto anterior, si bo ta riapra cu e cambionan ta persisti varios luna tras di otro, lo ta bon pa haci un checkeo medico.
3. Dolor den heup of bariga. Pone bon atencion si bo ta sinti algun di e sintomanan aki frecuentemente y no tin motibo pa esaki.
4. Problemanan estomacales. E revista Spaño Qué!, a señala cu cierto problemanan relaciona cu e aparato digestivo manera constipacion, sacamento of colico (dolornan frecuente den bariga) por ta un señal di alerta pa cancer di utero.
5. Dolor ora di tene relacion sexual. Aunke e dolor por wordo causa door di diferene motibonan, e sintoma aki por wordo compaña pa otro sintomanan ya menciona, segun e revista Qué!.
Ta importante pa nos ta atento ariba e señalnan di nos organismo y cu nos bishita e ginecologo cada aña of si nos ripara algo cu ta preocupa nos. E miho forma di preveni cancer di ovario ta probablemente ecografia transvaginal, pero bo dokter lo sa di guiabo den esaki.
Fuente: http://www.telemundo.com/mujer-de-hoy/