Cinco persona deteni a confisca arma y droga

0

Willemstad Curacao: Djárason 9 di novèmber 2017, alrededor di 23.30 or, un patruya ku tabata patruyando den bario di Suffisant a kontrolá kuater hòmber i un hende muhé riba posishon ilegal di arma di kandela i droga. Durante di e kontròl e agentenan a haña algun saku di mariwana ku e personanan aki tabatin den nan poder.
Siguiendo ku e investigashon, polis a realisá un entrada hudisial den un kas den e bario ariba menshoná. Den e kas en kestion polis a haña i konfiská:
 un kantidat grandi di sèn kèsh
 1435 gram di mariwana
 429 gram di hash
 55 gram di kokaina
 atributonan pa prosesá droga
 un arma di kandela(pistol) marka Glock
 ku dos kashi di bala i diferente bala skèrpi mas
En konekshon ku esaki a detené tur sinku sospechoso. Ta trata di e hòmbernan:
 E.F.Ch.A. di 47 aña di edat, nasé na Kòrsou;
 S.N.L. di 30 aña di edat, nasé na Kòrsou;
 Ch.G.R.S. di 19 aña di edat, nasé na Repúblika Dominikano;
 V.R.vd.V. di 23 aña di edat, nasé na Repúblika Dominikano i
 E sospechoso femenino N.D.J.J. di 24 aña di edat, nasé na Kòrsou.
Polis a konfiska e droganan, e arma di kandela i e balanan pa mas investigashon.
A presentá tur sinku (5) sospechoso dilanti un Fiskal Ouksiliar ku a ordená nan enkarselashon pendiente mas investigashon.

LEAVE A REPLY

Please enter your comment!
Please enter your name here