Sra. Magaly Maduro di Fundacion Hende Muhe den Dificultad a elabora riba e cifra halto di casonan di maltrato cu tin na Aruba, tanto ambulante como residencial.
E porcentahe di casonan di maltrato no ta mucho diferente, segun Sra. Maduro a splica, den comparacion cu Caribe y Latino-America. E ta mustra cu casonan di maltrato awendia ta wordo señala mas trempan desde edadnan relativamente hoben. Den e casonan aki, segun sra. Maduro, e victimanan por ta personanan cu ta traha of no, persona cu ta studia of no, etc. E ta cuestion di “power play” y e mentalidad den e sociedad. Tanto hende homber como hende muhe por ta e abusador of agresor den e casonan aki.
Por ultimo, Sra. Magaly Maduro ta splica cu mester saca e hendenan for di esfera di taboo y mester papia abiertamente tocante e situacionnan aki. E resultado a mustra di ta hopi positivo por medio di campañanan y ta haya yamadanan di diferente hoben cu ta tuma contacto cu e fundacion pa haya sa mas di topico aki. E ta haya cu e comunidad a progresa den tecnologia y medionan moderno, pero a keda atrasa den temanan importante manera ta e casonan di maltrato