LONDON, Inglatera – Polis a revela cu cerca di 350 persona a presenta pa reporta casonan di abuso sexual den e comunidad di futbol di Inglatera.
E datonan, compila pa diferente comando di entidad y cu a wordo referi pa un liña di ayudo specialmente estableci, a wordo publica diahuebs ultimo den un pronunciamento.
Simon Bailey, director di e division di proteccion infantil di e Conseho Nacional Policial, a sigura cu ta spera cu e cantidad aki cambia den e proximo simannan.
“Ta importante nota cu esakinan ta solamente datonan indicativo y cu e informacino ey ta wordo ainda calcula. Pa e razon aki, e cantidad lo cambia,” el a agrega.
“Nos ta trahando hopi di cerca cu e Asociacion di Futbol (FA) pa sigura cu e respeta en contraste na e cantidad significante y creciente di victima riba tur nivel di futbol, wordo efectivamente coordina.”
Diahuebs, polis di Gran Manchester a cinforma cu nan a identifica 10 sospechoso y cu tabata sperando rapport di 35 victima. “Nos a ricibi un cantidad di yamada di victimanan y hopi di esnan preocupa pa e caso. Segun nos ta mira diariamente, e investigacion ta creciendo,” e asistente en hefe Debbie Ford a bisa.
“Scondemento”
E director ehecutivo di FA, Martin Glenn, a bisa diahuebs cu e tabata pensa cu tabata poco probable cu tabata tin un intento organisa di “sconde” e casonan di abuso sexual infantil den futbol.
Tambe el a priminti investiga reporte camina cu ta sigura cu algun club lo a paga supuesto victimanan pa nan keda keto.
“Nos ta comprometi na un revision completo y saca na luz loke a pasa den e pasado den futbol,” Glenn a bisa na periodistanan den un conferencia di prensa.
“Nos tin reglanan cla den e wega y si tin algun evidencia di un violacion di esakinan (pa manda silencia un di nan), siguiendo e debido proceso, polis lo ta na altura di tur cos. Ora ta nos beurt pa aplica e reglanan, nos lo haci’e, sin importa e tamaño di e club.”
Ora cu el a wordo puntra riba e posibel existencia di ordennan di no divulgacion, el a agrega: “Mi no por bisa si tabata tin encubrimento, pero mi ta duda.”
“Impresionante”
Un liña di ayudo estableci pa yuda e victimanan di escandalo di abuso sexual infantil cu a impacta futbol Ingles a ricibi 860 yamada den e prome siman.
E servicio, monta y monitoria pa e Sociedad Nacional pa Prevencion di Crueldad contra mucha, a bisa cu su ekipo a referi 60 caso na polis y servicionan social den e prome tres dianan.
“E cantidad di futbolistanan di perfil halto cu valientemente a papia riba nan calvario a captura e atencion di henter e pais,” director di NSPCC, Paul Wanless, a bisa.
“Nos tabata tin un cantidad impresionante di yamada na nos liña di ayudo cu ta revela e enorme preocupacion riba e abuso relaciona cu futbol,” Wanles a agrega.
“Cualkier cu nos tuma contacto cune, por haci’e cu confiansa, cu e conocemento cu e lo wordo scucha y apoya. E futuro atleta, mescos cu ex atletanan, mester tin e confiansa pa hacri riba abuso sexual y sinti nan mes capas di bay declara.”
Fuente: CNN en Español