GLASGOW, Escosia – Kisas e por ta posibel uza energia di solo como fuente di alimentacion di miembronan artificial, esta brasa y pia, investigadonan di Reino uni a informa.
E ekipo di Universidad di Glasgow a desaroya antes un “piel electronico” pa cubri protesis di mannan fabrica cu grafeno, un substancia transparente cu ta mas fuerte cu hero.
E transparencia di e grafeno tap ermiti cu mas of menos un 98 porciernto di luz ta yega na e superficie ta atraves’e. Esey ta haci’e ideal pa recolecta energia solar, investigadonan a splica den un comunicado di prensa di e universidad.
Den nan estudionan nobo, cientificonan a integra celnan fotovoltaica den e piel di grafeno. E celnan fotovoltaico ta genera energia ora cu nan wordo ilumina. E piel di grafeno ta rekeri di solamente 20 nanowatt di potencia pa centimeter cuadra. Incluso e cell fotovoltaico di e pio calidad ta disponibel awo, ta provee e cantidad aki facilmente, e ekipo Escosas a anota.
Actualmente, e energia general pa e cellnan fotovoltaico di e piel di grafeno no por wordo almacena. Pero cientificonan ta investigando metidonan di conduci e energia pa nan no uza bateria, di forma cu por uza esaki ora cu ta necesario.
E investigacion por conduci na extremidadnan artificial cu energia independiente, lider di e estudio, Ravinder Dahiya, di e Facultad di Ingenieria di e Universidad, a bisa. E estudio nobo a keda publica den edificion di dia 22 di Maart di e revista Advanced Functional Materials.
Fuente: HealthDay News