BALTIMORE, Maryland – Pa provoca defectonan congenito, Zika, un virus transmiti pa sangura, mester prome crusa e placenta di un muhe infecta pa infecta e fetus.
Awo, investigadonan, lidera pa dr. Robert Linhardt di e Universidad di Johns Hopkins na Baltimore, ta afirma cu e identifica con Zika ta logra esaki y formanan posibel di detene nan.
Den henter Sur America, e virus di Zika a causa te awor aki miles di caso di defectonan congenito devastador, di cual esun mas frecuente ta microcefalia, cu ta haci cu babynan ta nace cu un cabes mas chikito cu normal y celebronan poco desaroya.
Te awor aki, na Merca, solamente a sosode algun poco caso, pero e infeccionnan ta un preocupacion a medida cu lo acerca e temporada di sangura.
“Nos ta kere cu Zika lo bolbe cu forsa e zomer aki. P’esey nos ta trahando arduamente pa compronde Zika lo miho cu nos por y lo mas rapido cu nos por,” Lindhart, biologo clinico na Hopkins a señala, den un comunicado di prensa di e Sociedad Americano di Kimico (American Chemical Society).
Segun un investigacion, e virus di Zika por ta capas di pasa pa e placenta na vincula cu cierto sucu riba e superficie di e celnan. Ta un metodo similar cu e virus di kentura di dengue ta uza, transmiti pa sangura, e ekipo di investigacion a anota. Dengue y Zika ta pertenece na e mesun famia di e virus.
Den un serie di experimento, e ekipo di investigacion a haya cu un sucu particular den e celnan di e placenta, yama sulfato di condroitina, parce ta vincula estrechamente cu Zika. Esey ta ofrece Zika un via pa e placenta, investigadornan a bisa.
Arma cu e conocimento ey, e ekipo di Linhardt ta sigui cu nan investigacion pa haya un forma di blokia e interaccionnan entre Zika y sucu di e placenta. E meta ta un medio di evita cu e virus ta provoca defectonan congenito.
Den trabaonan anterior, e ekipo di Hopkins a uza un “nano particula” pa evita cu e virus invadi e tehido pulmonar den raton, impidiendo cu e virus enferma e ratonnan. E investigadornan tin e speransa cu un metodo similar por funciona pa yuda evita pa Zika afecta e feto.
Linhardt a presenta e hayasgonan di su ekipo diamars den e reunion anual di e Asociacion Americana di Kimica, na San Francisco. E investigacionnan presenta den reunionnan tin cu considera preliminar te ora cu nan publica den un revista revisa pa profesionalnan.
Fuente: Health Day